16.1 C
Ohrid
Saturday, August 13, 2022

Баздникин: Решението за состојбите на северот на Косово треба да се бара во рамките на Резолуцијата 1244 на ОН

НАЈЧИТАНО

Решението за состојбите на северот на Косово треба да се бара во рамките на Резолуцијата 1244 на ОН, изјави денеска во Прилеп рускиот амбасадор Сергеј Баздникин.

– Русија е една од земјите кои ја донесоа Резолуцијата 1244 за Косово. Убедени сме дека решение треба да се бара во рамките на таа резолуција. Секој обид да се бара решение по пат на насилни дејства, никогаш не води кон добро – изјави Баздникин, кој на германските гробишта во Прилеп положи цвеќе на гробовите на загинатите руски војници во Првата светска војна.

Прашан дали наскоро може да има мир во Украина, Баздникин изјави дека Русија е подготвена да се обноват разговорите и преговорите кои беа прекинати во Истанбул.

– Отворени сме да се воспостави мир во Украина, и тоа одамна. Во март почнавме разговори во Истанбул, тие беа прекинати од украинската страна, веруваме и знаеме дека е на барањето на нивните западни ментори.  Ние сме подготвени тие разговори да се обноват што поскоро. Меѓутоа,  треба да знаеме, колку повеќе се продолжува со воени дејства, потешко ќе биде да дојде до решение, но решение секогаш ќе се бара во текот на преговорите – изјави Баздникин.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО