Претходните денови можевме да прочитаме неколку вести за дојави за бомби во големите трговски центри во земјава, а веќе со месеци има информации дека има зачестени информации за бомби во авиони на летовите за Русија од Србија. Заедничко за сите овие извештаи и закани е тоа што тие се испратени од ProtonMile.
ProtonMail е шифрирана услуга за е-пошта, позиционирана како една од опциите за испраќање безбедни пораки преку Интернет. Иако денес речиси сите сервиси за е-пошта тврдат дека нивните производи ја почитуваат приватноста на корисниците, ProtonMail прави нешто подобро од конкуренцијата како што се Gmail или Outlook.
ProtonMail не е бесплатен, затоа мора да се одвојат пари за безбедни услуги за е-пошта. Оваа услуга ги избегнува традиционалните рути на испраќање и примање е-пошта и нуди голема количина на слободен простор, со дополнителни опции за безбедност и приватност.
Исто така, ProtonMail оди чекор подалеку кога станува збор за заштитата. Google и Microsoft нудат проверка во два чекора за нивните поштенски услуги, додека ProtonMail не складира податоци за идентификација на корисникот или нивните лични информации на своите сервери, што им нуди на корисниците значително повисока стапка на приватност. Ова е една од причините зошто може да се користи за анонимни предупредувања од овој тип.
Услугата не снима кориснички податоци и нема складирање на IP адреса. Мета податоците се отфрлаат, што го отежнува поврзувањето на е-поштата со оригиналната локација за испраќање.
Во претходните вести за извештаите за бомбите, слушнавме дека седиштето на ProtonMail е во Швајцарија, што е точно. Ова и дава на услугата дополнителен елемент на безбедност, бидејќи Швајцарија има многу строги закони кога станува збор за приватноста на податоците. На пример, ProtonMail како сервис не може да биде принуден да предава податоци на американските власти, што е многу вообичаена практика во Америка.
