More

    Храна која не прави да се чувствуваме среќни и храна која не прави несреќни

    spot_img

    Едноставната диетална стратегија е најважна за чувството на благосостојба. Со конзумирање на научно докажана „среќна храна“ ќе го подигнеме нашето расположение, енергија и ќе ја смириме анксиозноста и стресот

    Храната на оваа листа помага или ја попречува среќата. Една од седумте невронаучни тајни на среќата е уживањето во вистинска храна и пијалок, што ќе направи да се чувствувате подобро, не само сега, туку и на долг рок.

    Научно е докажано дека одредени „среќни намирници“ го подигнуваат расположението, ја зголемуваат енергијата и ја смируваат анксиозноста и стресот – суштински состојки за среќа. Има и „тажна храна“ што треба да се избегнува – онаа која го расипува расположението, ја троши енергијата и ја зголемува напнатоста, објаснува неврологот и психијатар Даниел Амен.

    Изберете храна што ве прави среќни – сега и подоцна. Вистинска среќна храна е онаа што прави да се чувствувате добро во моментот, но исто така го подобрува вашето расположение, енергија и физичка благосостојба на долг рок.

    Размислете за вообичаената утешна храна како пица, сладолед или чипс – тие можат да ви дадат моментален брз поттик, но подоцна ќе ви го одземат чувството на задоволство. Општо земено, ова се неквалитетни намирници кои се научно дизајнирани да имаат толку добар вкус што промовираат „чувство на блаженство“ во мозокот и ослободување на некои неврохемикалии на среќа – како што е допаминот – кои предизвикуваат зависност.

    Стандардната американска диета е полна со храна богата со нездрави состојки и вештачки хемикалии кои се штетни за менталната, емоционалната и физичката благосостојба. Сè поголем број студии покажуваат дека овој тип на исхрана го зголемува ризикот од депресија, анксиозни нарушувања, АДХД и деменција, како и дијабетес, хипертензија, срцеви заболувања и други состојби, пренесува МБГ.

    „Како психијатар кој запознал десетици илјади пациенти во текот на повеќе од 30 години, можам да ви кажам дека секој од овие проблеми ви ја одзема радоста на животот“, истакнува Амин.

    Среќна храна
    Намирниците кои ве прават среќни сега, но и подоцна вклучуваат:

    – Органско шарено овошје и зеленчук, особено бобинки и лиснато зеленило

    – Одржлива риба и месо

    – Јаткасти плодови и семиња

    – Здрави масла

    – Јајца

    – Чисти протеински прашоци (без шеќер, растителна основа)

    – Темно чоколадо

    – Непреработена храна

    – Органска храна

    – Храна со низок гликемиски индекс (не го зголемува шеќерот во крвта)

    – Храна богата со растителни влакна

    Тажна храна
    „Јас го нарекувам оружје за масовно уништување бидејќи го уништува здравјето на населението, а ние ги извезуваме овие обрасци на храна низ светот. Ова се намирници кои ве прават среќни во моментот, а кои подоцна ве прават да се чувствувате лошо, уморно, вознемирено или под стрес“, предупредува Даниел, пренесува 24сата.

    Оваа храна ги вклучува следните намирници:

    – Високо обработена храна

    – Храна третирана со пестициди

    – Храна со висок гликемиски индекс (го зголемува шеќерот во крвта)

    – Ниско влакно

    – Вештачки обоена и засладена храна

    – Храна третирана со хормони и антибиотици

    – Храна во пластични садови

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img