Турскиот претседател Реџеп Таип Ердоган денеска ја критикуваше Грција за наводно кршење на Договорот од Лозана, со кој се регулирани односите меѓу двете земји речиси еден век.
Во изјавата објавена на 99-годишнината од Лозанскиот договор, Ердоган ја обвини Атина за поткопување на правата на муслиманското малцинство во Тракија, каде што муслиманите, главно етнички Турци, Ромите и Помаците кои зборуваат бугарски сочинуваат околу 32 отсто од населението.
– Условите дефинирани во Лозанскиот договор, особено оние кои се однесуваат на правата на турското малцинство, се игнорираат или намерно се прекршуваат. Нашата земја не може да прифати таква ситуација, која е некомпатибилна со добрососедските односи и волјата за спроведување на договорот – изјави турскиот лидер, пренесува АП.
Договорот од Лозана беше потпишан во 1923 година од страна на новата Република Турција со цел да ги реши споровите со нејзините сојузници, вклучително и спорот што го имаше со Грција по Првата светска војна и Турската војна за независност.
Договорот од Лозана исто така поставува услови за грчките власти да управуваат со островите во Егејското Море кои се наоѓаат во близина на турскиот брег.
