Србија го регистрираше првиот увезен потврден случај на мајмунски сипаници, јавува Мондо. Случајот беше дијагностициран и третиран терапевтски. Лабораториска дијагностика е извршена во Институтот за вирусологија, вакцини и серуми „Торлак“, се наведува на веб-страницата на Институтот за јавно здравје на Србија „Д-р Милан Јовановиќ Батут“.
Како што објави „Курир“, човекот кај кого биле регистрирани божиците мајмуни во Србија пристигнал од Германија.
„Пред три дена, во вторникот вечерта, тој беше примен на Инфективната клиника во Белград, поради сомнение дека има мајмунски сипаници“, пишува порталот.
Заводот за јавно здравје изврши епидемиолошка истрага на случајот и спроведени се сите мерки на евидентирање, тестирање, пријавување и контрола на натамошното ширење на инфекцијата согласно стручните методолошки упатства.
Во согласност со меѓународните здравствени регулативи и протоколи, првиот потврден случај е пријавен во меѓународни здравствени институции. Апелираме до граѓаните, за зачувување на своето здравје, да ги применуваат сите превентивни мерки и да ги почитуваат препораките на здравствените установи, пренесува „Трамболина“.
