Фудбалската репрезентација на Северна Македонија приреди сензација победувајќи ја Италија во Палермо со 1:0 во полуфиналето од плеј-офот за пласман на СП 2022 година, додека во вториот натпревар Португалија ја совлада Турција со 3:1 во Порто.
Португалија и Северна Македонија сега ќе одлучуваат за патник во Катар на 29 март во Порто.
Актуелниот европски првак доминираше во Палермо, имаше 62 отсто посед, „азурите“ упатија дури 32 удари, имаа 16 корнери, но победата ја оствари македонскиот тим, а херој на натпреварот беше Александар Трајковски кој погоди 1:0 во втората минута од судиското продолжение.
