More

    Русија ги зајакнува своите позиции на Арктикот и на економски и на воен план

    spot_img

    Русија ги зајакнува своите позиции на Арктикот и на економски и на воен план, се вели во новата руска поморска доктрина што денеска ја потпиша претседателот Владимир Путин по повод Денот на руската морнарица.

    Арктикот се трансформира во регион на меѓународен натпревар не само од економски, туку и од воен аспект, според доктрината потпишана од Путин во Санкт Петербург, каде што се одржува парадата за Денот на морнарицата.

    Како што се додава, имајќи ги предвид овие фактори, Русија ќе ги зајакне своите „водечки позиции во истражувањето и освојувањето на Арктикот“ и неговите наоѓалишта на минерали и ќе обезбеди „стратешка стабилност“ во таа зона преку зајакнување на воениот потенцијал на руската Северна и Пацифичкита флота.

    Русија на Арктикот исто така сака целосно да ja развие Северната поморска рута, наречена Североисточен премин кој ја поврзува Европа со Азија долж рускиот брег, со намера да ја претвори во „безбедна и конкурентна рута што ќе функционира во текот на целата година“, се наведува во доктрината.

    Како што пренесува Бета, во документот од 55 страници се осудува волјата на САД да „доминираат во светските води“ и „приближувањето на воената инфраструктура на НАТО до руските брегови“, оценувајќи дека тоа се „главни закани“ за Русија.

    Москва го смета НАТО, својот стар непријател за време на Студената војна, за егзистенцијална закана и ја оправдува својата офанзива врз Украина со амбициите на Киев да се приклучи на Алијансата.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img