Руската инвазија на Украина влезе во 43-от ден. Пентагон објави дека руските сили целосно се повлекле од Киев и Чернихив. Се очекува руските сили да ги пренасочат напорите за освојување на Донбас, поради што властите во Луганск и Доњецк ги повикуваат граѓаните да се евакуираат додека е безбедно.
Во своето обраќање пред ирскиот парламент во средата, украинскиот претседател Володимир Зеленски ја критикуваше „неодлучноста“ на некои лидери во воведувањето санкции кон Русија, барајќи од ЕУ дополнително да ги заостри мерките.
Денеска во Брисел се одржува состанок на министрите за надворешни работи на сојузниците на НАТО на кој ќе се разговара за тоа како најдобро да се поддржи Украина.
09:33
Борел: ЕУ може да воведе нови санкции кон Русија денеска или утре
ЕУ би можела да се договори за петтата рунда санкции на ЕУ против Русија, вклучително и забрана за увоз на јаглен, во четврток или петок, изјави потпретседателот на Европската комисија и висок претставник за надворешни работи на Унијата, Жозеп Борел.
Можеби попладнево или најдоцна утре“, им рече тој на новинарите кога пристигна на состанокот на НАТО.
09:32
Еднонеделен полициски час во Хостомел
Украинската пратеничка Лесија Василенко објави дека во Хостомел, недалеку од Киев, стапил на сила еднонеделен полициски час, пренесува Sky News.
Полицискиот час започна утринава во 6 часот по локално време и завршува во исто време на 14 април. Тоа е неопходна мерка да се исчисти градот од мини и да се обезбеди безбедно враќање на цивилите, рече Василенко.
Тие се одлучија на овој потег откако се појавија информации дека стотици луѓе во градот се водат како исчезнати по 35 дена окупација.
09:24
Руските сили се обидуваат да ја преземат контролата над Донбас
Руските сили се прегрупираат и се подготвуваат за напад на Донбас во источна Украина, кој ги опфаќа регионите Доњецк и Луганск, соопшти Генералштабот на украинските вооружени сили.
Главната цел на Русите е да ја пробијат одбраната на украинските сили во Доњецк. Тие, исто така, се обидуваат да ја преземат контролата над Мариупол и да продолжат да го гранатираат Харков на североисток.
Русите ја користат железницата за транспорт на воена опрема, се додава во објавата на Фејсбук. Нова пратка со оружје и друга опрема пристигна на железничката станица Купјанск во североисточна Украина од Белгород, Русија.
Украинските сили повторно ја зазедоа Осокоривка во близина на Керсон на југот на земјата, јавува Би-Би-Си, која не може самостојно да ги потврди овие тврдења.
09:17 часот
Повеќе од 1.400 проектили истрелани кон Украина
Над 1.400 проектили беа истрелани врз украинските градови, објави Министерството за надворешни работи на Твитер.
09:09 часот
Професор од Киев објасни зошто Путин ја започна војната во Украина оваа година
Максим Каменецки, професор на Институтот за меѓународни односи во Киев, беше гостин на Нов ден и ја коментираше ситуацијата во Украина. Тој најпрвин се осврна на помошта што западните земји и ја испраќаат на Украина.
„Нашата земја зависи и од санкциите воведени кон Русија, но и од помошта што ја добива Украина, во однос на оружјето и опремата што ни се потребни за да водиме војна за опстанок на мојата земја“, рече тој, додавајќи дека се надева дека тоа ќе продолжи.испрати помош за Украина.
