More

    Поради силното јужно и југозападно струење, оваа седмица од Сахара кон нашата територија ќе се врши транспорт на прашина и песок, со што и атмосферата ќе биде заматена

    spot_img

    Во текот на оваа седмица нашата територија ќе се наоѓа под влијание на изразено јужно воздушно струење и циклонска активност од запад. Ќе дува умерен до засилен, повремено силен ветер од јужен и од југозападен правец, а ќе има и повремени врнежи од дожд кои повремено и локално ќе бидат интензивни и обилни, вели метеопрогнозерот Славчо Попоски.

    Тој истакнува дека на високите планини ќе има врнежи од снег, и тоа особено во западните предели, што ќе резултира со формирање нова снежна покривка.

    – Температурите како утринските, така и максималните дневни ќе бележат тенденција на значителен пораст и ќе бидат невообичаено високи за овој период од годината. Mаксималните дневни температури речиси насекаде ќе се искачуваат над 10 степени, а во најтоплите централни и југоисточни предели температурите ќе се искачат до околу 20 степени – вели Попоски.

    Метеопрогнозерот напоменува дека за време на оваа циклонска активност, локално ќе има услови и за развој на нестабилна облачност проследена со пороен дожд, грмежи и силен јужен ветер. Можно е овие процеси да бидат застапени и во форма на невреме.

    Во Скопје ќе има слично време како на територијата на целата земја.

    – Во случај на појава на силен јужен ветер, како и појава на невреме, препорачуваме крајна претпазливост. Граѓанитеда не ги паркираат своите автомобили под дрвјата за да не дојде до некоја штета – предупредува Попоски.

    Тој нагласува дека поради силното јужно и југозападно струење, оваа седмица од Сахара кон нашата територија ќе се врши транспорт на прашина и песок, со што и атмосферата ќе биде заматена.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img