More

    Пет идеални закуски за вашиот шеќер во крвта

    spot_img

    Без разлика дали ви треба доцна утринска енергија, попладневно закрепнување или „гориво“ после тренинг, грицките ви помагаат да издржите до следниот вистински оброк. Меѓутоа, доколку имате проблеми со нивото на шеќер во крвта, од витално значење е да се одлучите за храна која позитивно ќе влијае на вашето здравје во тој сегмент.

    Јадете ова, а не тоа нагласува пет закуски кои можат да ви помогнат да го контролирате шеќерот во крвта.

    Парчиња јаболко + путер од кикирики
    Експертот Моли Хембри објаснува дека јаболката се добар извор на јаглехидрати во форма на природен шеќер – фруктоза. Во комбинација со путер од кикирики, ќе ги добиете и потребните протеини, кои помагаат во контролата на шеќерот во крвта.

    Јаболкото помага во забавување на варењето, што го спречува наглото зголемување на шеќерот во крвта. Покрај тоа што се полни со витамини, јаболката се полни и со полифеноли, антиоксиданс кој е откриен дека го стимулира ослободувањето на инсулин од панкреасот. Ова им помага на клетките на телото да го апсорбираат шеќерот и на тој начин да го намалат неговото ниво во крвта.

    Покрај тоа, путерот од кикирики е полн со здрави масти.

    Свежо сирење + праски
    „Свежото сирење, особено со малку маснотии, е одличен извор на протеини кои, во комбинација со овошје како праски, може да помогне да се зголеми внесот на влакна и да се стабилизира шеќерот во крвта“, рече Хембри.

    Праските се сметаат за овошје со низок гликемиски индекс, што значи дека не го зголемува нивото на шеќер во крвта нагло. Полни се и со калиум, витамини А и Ц, што позитивно влијае на здравјето на срцето, го намалува воспалението и го подобрува варењето.

    Хумус + моркови
    Морковите се зеленчук со мала содржина на јаглени хидрати, без скроб, што значи дека немаат значително влијание врз нивото на шеќер во крвта.

    Покрај тоа што обезбедува извор на протеини, наутот – главната состојка во хумусот – содржи здрави масти кои помагаат да се забави апсорпцијата на јаглени хидрати, што овозможува шеќерот да се ослободува во крвотокот со постабилна брзина.

    „Користењето хумус како сос од зеленчук со добра содржина на влакна, како моркови, ќе помогне да се одржи нивото на шеќер во крвта“, објасни Хембри.

    Јогурт + боровинки
    Иако јогуртот може да биде скриен извор на додаден шеќер ако се одлучите за варијанта со вкус, конзумирањето обичен, со малку маснотии или грчки јогурт всушност може да помогне да се одржи нивото на шеќер во крвта пониско бидејќи е богато со протеини и ниско со јаглени хидрати.

    Одлична комбинација со јогурт се боровинките, за кои е откриено дека се богати со антиоксиданси и влакна и имаат бројни здравствени придобивки.

    Бадеми + портокали
    Портокалите се уште едно овошје кое има низок гликемиски индекс и висока содржина на влакна. Бадемите, кои содржат и влакна, како и протеини и здрави масти, се идеални за заокружување на нутритивниот профил на оваа закуска.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img