Оваа година Русија собра жито во вредност од приближно една милијарда долари на украинските полиња, објави американската вселенска агенција НАСА.
Околу 5,8 милиони тони пченица се собрани на полиња во подрачја „не под украинска контрола“, објави НАСА Харвест, програма на агенцијата за безбедност на храна и земјоделство, а пренесува германската агенција dpa.
NASA Harvest во соработка со неколку партнерски институции користеше сателитски податоци и моделирање за истражување.
Вкупно, годинава на територијата на Украина се собрани 26,6 милиони тони пченица, што е значително повеќе од минатогодишните предвидувања, проценуваат научниците вклучени во истражувачкиот проект.
Иако ова е помалку од минатогодишната рекордна жетва од 33 милиони тони, сепак количината е блиску до петгодишниот просек од 27,9 милиони тони.
Украина немаше пристап до 22 отсто од житото во источниот дел на земјата поради тековната руска инвазија.
Севкупно, 88 отсто од минатогодишните зимски култури се собрани во области кои не се под украинска контрола, според НАСА. Неожнеаното жито најчесто се наоѓа на полињата во близина на границата на конфликтот.
