Американската компанија SpaceX ја лансираше во орбитата ракетата Falcon 9, наменета за снабдување на астронаутите на Меѓународната вселенска станица (ISS).
Ракетата „Фалкон 9“, на чиј врв е товарната капсула „Драгон“ без екипаж, беше лансирана во 20 часот и 44 минути по локално време од вселенскиот центар Кенеди на НАСА на Флорида, јавува Анадолија.
Тоа е 25-та ваква мисија, позната како CRS-25, која ќе испорача повеќе од 2.630 килограми научна опрема и потреби за секојдневниот живот на ISS. Мисијата ќе поддржи повеќе од 30 тековни истражувања.
Екипажот на ISS ќе добие и свежа храна.
„Испраќаме јаболка, портокали, чери домати, кромид, моркови, лук, таан, сирење и колбаси“, рече заменик-програмскиот менаџер на ISS, Дана Вајгел.
Товарната капсула Dragon треба да стигне до екипажот на ISS во следните 36 часа.
