Од почетокот на употребата на бивалентната вакцина произведена од Модерна, оваа вакцина во Србија ја примиле 1.847 граѓани, соопштија за денешната Политика од Институтот за јавно здравје на Србија.
Најмногу дози се дадени во здравствените домови „Нови Сад“ и „Нови Белград“.
Вакцината е достапна за граѓаните на Србија на пунктовите за вакцинација во здравствените домови од 26 декември, а се препорачува за лица над 50 години со хронични заболувања, здравствени работници, вработени и корисници на домови за стари лица, но може да ја примат секој над 12 години. , пишува весникот..
Засега, бивалентната вакцина се дава исклучиво како бустер доза на луѓе кои претходно примиле најмалку две дози. Услов за вакцинација е да поминат најмалку три месеци од примањето на последната доза од вакцината против Ковид, изјави епидемиологот од Институтот Владан Шапоњиќ.
Од Институтот посочуваат дека нема препораки за повторна вакцинација на лицата кои примиле бивалентна вакцина како бустер доза.
