More

    Интер победи во финалето на Купот на Италија 2021/22 совладувајќи го Јувентус со 4-2

    spot_img

    По возбудливата игра на стадионот „Олимпико“ во Рим, Интер синоќа победи во финалето на Купот на Италија 2021/22 совладувајќи го Јувентус со 4-2. Тренерот Симоне Инзаги го изрази своето задоволство за победата истакнувајќи дека имале „одлична претстава против силен противник“.

    По натпреварот, тренерот на „нероазурите“ зборуваше за „Спортнедиасет“ за перформансите на неговата екипа.

    – Навистина добро работевме во првите половина час, но малку ја загубивме формата во последните 15 минути пред полувремето. Нашиот пристап до вториот дел беше лош и пуштивме два гола. Требаше да останеме поконцентрирани, но овој тим никогаш не се откажува, како што знам. Не само оваа вечер, туку од 8 јули ги видов како го прават тоа. Сега имаме два првенствени натпревари кои треба да ги одиграме најдобро што можеме, но правилно е да уживаме во прославите вечерва со навивачите. Среќен сум за момците, клубот и навивачите – рече Инзаги.

    Тој дополни дека го прави среќен што ја споделува победата со персоналот кој, како што рече, „ми помага секој ден да се подготвам за три натпревари неделно“.

    – Отидовме далеку во сè што направивме. Се пласиравме во осминафиналето во Лигата на шампионите и мислам дека Интер досега беше единствениот тим што го победи Ливерпул. Дадовме толку многу и не жалиме – дополни тој.

    Интер беше крунисан за шампион на Купот на Италија во 2022 година, откако во вчерашното финале го совлада Јувентус со 4-2.

    Николо Барела постигна ран гол за Интер пред Јувентус да поведе со 2-1 со головите на Алекс Сандро и Душан Влаховиќ. На 10 минути до крајот на натпреварот, Хакан Чалханоглу постигна гол од белата точка, испраќајќи ја играта во продолженија на стадионот „Олимпико“. За време на продолженијата, Иван Перишиќ погодувајќи двапати му донесе победа на својот тим од 4-2.

    Претходно, настапот во Лигата на шампионите Јувентус го заврши уште во осминафиналето, каде што доживеа елиминација од Виљареал, а во италијанскиот Суперкуп беше, исто така, поразен од Интер.

    За Јувентус ова ќе биде прва сезона без трофеј после 11 сезони.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img