More

    Епидемија на грип и се заканува на Албанија

    spot_img

    Институтот за јавно здравје на Албанија попладнево соопшти дека официјално неделно се пријавуваат по 14.000 случаи на заразени со грип, а споредено со пред една недела, овој број е зголемен за 2.000 заразени.

    „Но, ова е само бројка на оние кои побарале лекарска услуга, бидејќи многу луѓе заболени од вирусот на грип не одат на лекар, туку се лекуваат дома со лекарства дадени на друг член од семејството или на своја рака“, јави Топ чанел.

    Доколку официјалната бројка достигне 16 илјади заразени во текот на една седмица, земјата влегува во епидемија на грип, што најверојатно ќе биде следните денови.

    „Во Албанија циркулираат два подтипа на вирусот А како што е Ah1, кој предизвика пандемија во 2009 година во земјата, подтипот Ah3 и вирусот на инфлуенца Б. Но, епидемиолошката состојба е уште потешка, бидејќи според лекарите, барем клинички, респираторниот вирус циркулира и кај малите деца што предизвикува отежнато дишење, а има и случаи на ковид“, јави телевизијата.

    Се посочува дека годинава лекарите го ставиле акцентот на грипот, бидејќи „вирусите на грип се вратија поагресивно, затоа што беа отсутни за време на пандемијата на ковид-19 и имунитетот кај населението е значително опаднат”.

    Што се однесува до состојбата со ковид-19, во последното деноноќие потврдени се 23 нови случаи од направени 585 тестови, починати нема, активни на болеста се 239, а болнички се третираат две лица.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img