Во 48 минута од натпреварот Македонија – Бугарија на стадионот Арена Тодор Проески во Скопје Бугарија поведе со еден нула, со голот на Кирил Десподов. Во еден контранапад неговиот соиграч Кирилов го пронајде Кирил Десподов на 16-тина метри од голот на Македонија, успеа да ја смири топката на гради и да го совлада македоснкиот голман Столе Димитриевски.
Првото полувреме заврши со по една посериозна шанса на двете страни, а со многу надмудрување на средината на теренот. Македонската репрезентација игра со играч помалку откако на Тодороски му беше покажан црвен картон во 14. минута од натпреварот. Во првото полувреме беа покажани уште три жолти картони.
И покрај хендикепот на играч помалку, македонските репрезентативци вршат голем притисок. Во 61 минута Алиоски имаше зрела шанса да ја затресе мрежата на Бугарија.
