Долгоочекуваната автобиографија на принцот Хари крена голема прашина на Островот. Исто така, пасусот во кој војводата од Сасекс ја опишува загубата на својата невиност.
Од насилниот однос на престолонаследникот Вилијам до атмосферата по смртта на принцезата Дијана. Принцот Хари не штеди никого во својата автобиографија.
Тој зборува и за своето прво сексуално искуство кое го доживеал на 17 години. Губењето на невиноста го опиша како понижувачко, а иако не го именуваше девојчето, откри дека зборот е за жена која е многу постара од него.
А која е мистериозната жена? Гласините што се шират низ Островот ја споменуваат Сузана Харви, поранешен модел и извршен директор на аеродромот Котсволд, која одби да ја коментира автобиографијата на принцот.
Сузана ХарвиПрофимедија
„Тој ме фати за половината и ме повлече кон себе“
Русокосата, која е шест години постара од Хари, веќе во 2002 година, во интервју за Дејли Мејл, се присети на еднократната средба со принцот и ја опиша како бурна. „Беше многу убаво, но кога се бакнувавме почнав да се грижам дека неговите телохранители ќе го бараат. Не сакав да го доведам во неволја“, изјави тогаш таа за Дејли Мејл, додавајќи: „Тој е диво дете и Вилијам беше немоќен да го спречи. Надвор ме третираше како да сум возрасен човек. Ме фати за половината и ме повлече кон себе“.
Се разбира, невозможно е да се каже дека автобиографијата е навистина за Сузана Харви. Хари во текот на годините беше поврзуван со голем број постари жени, вклучувајќи ја покојната ТВ водителка Керолин Флак, водителката Натали Пинкам, па дури и поранешната ѕвезда на Real Housewives, Кетрин Омани.
За Хари се вели дека ја изгубил невиноста на поле зад популарен паб, ако им се верува на британските медиуми, тоа е Rattlebone Inn.
