More

    Вартоломеј на архиепископот Стефан, во манастирот „Балаклија“ во Истанбул свечено му го предаде Патријаршискиот и синодален акт за примање на Охридската Архиепископија во богослужбено и канонско единство

    spot_img

    Вселенскиот патријарх Вартоломеј на архиепископот Стефан, денеска во манастирот „Балаклија“ во Истанбул свечено му го предаде Патријаршискиот и синодален акт за примање на Охридската Архиепископија во богослужбено и канонско единство, откако пред четири години нашиот Синод поднесе молба за апелација до Вселенската Патријаршија, како врховна инстанца во Православието. Тоа се случи на крајот на заедничката богослужба.

    Господин господин Стефан возврати:

    – Дојдовме при Вас, веруваме во исполнето време, време во кое Вие го слушнавте крикот на нашето срце и го почувствувате копнежот на нашите души!

     

     

    – Дојдовме при Вас и сме многу радосни поради тоа. Дојдовме да го изразиме нашиот копнеж по Христа, кој, како православни Христијани, го имаме, и да ги изразиме почитта, честа и благодарноста пред Вашиот престол – да ги објавиме гласно, овде, од под куполата на Константинополската Црква, пред сечесниот Вселенски престол, нашата љубов кон целата Вселена – продолжи неговото блаженство г. Стефан.

    – Затоа – додаде тој – стоејќи денес пред Вас и со привилегијата да стоиме со Вас, дојдовме да Ви кажеме едно големо благодарам!

    – Еве, токму во оваа благословена вечер, во која се собрани многу благодатни добрини: празникот на апостолите Вартоломеј и Варнава и соборот на првата светогорска икона ‘Достојно ест”; оваа ставропигија во која се наоѓаме и живата вода која се роди од Живоносниот источник; мртвите во гробовите и мртвите што воскреснавме; еклитонот кој кон Вас го упативме и преку чие оправдување нè прифативте во општење со Вас и со сиот православен свет; и Вие, Архиепископе Константинополски, Вашите привилегии и Вашето срце полно со љубов – нагласи тој.

    На празничната вечерна богослужба, која ја отслужи великиот протосингел на Вселенската Патријаршија г. Теодор Меимарис, присуствуваше и архиепископот на Крит, г. Евлогиј, како и голем број архиереи, монаси,  дипломати и други гости.

    По богослужбата, архиепископ г. Стефан, во знак на благодарност отслужи Трисагија пред гробот на патријархот Димитриј, за покојните цариградски пастири погребани на истите гробишта.

    Нашата црковна делегација на истанбулскиот аеродром беше пречекана од страна на митрополитот кидониски г. Атинагора, архимандритот г. Григориј, началник-секретар на Светиот и свештен Синод и великиот свештенопроповедник г. Панарет.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img