Канадската влада планира да го продолжи ослободувањето од законите за помош на умирање за луѓето кои страдаат од ментална болест, изјави во четвртокот канадскиот министер за правда.
Канада усвои нов закон за помош на умирање во 2021 година. Од него беа ослободени лицата кои страдаат од ментални болести, но ослободувањето истекува во март следната година. Доколку нема дополнително одложување, Канада ќе стане една од шесте земји каде што лице кое страда од ментална болест, кое не е блиску до природна смрт, може да побара лекар кој ќе му помогне да умре.
Законот предвидува здравствената состојба на лицето кое сака да умре асистирано да биде непоправлива и да предизвикува неподносливо страдање, што мора да го потврдат двајца лекари.
Некои лекари и застапници за спроведување на законот тврдат дека ранливите луѓе бараат помош за умирање само кога не можат да добијат поддршка, додека други велат дека не е познато кога менталната болест станува „непоправлива“.
Федералната влада има намера да разговара со парламентарците во Претставничкиот дом и Сенатот за продолжување на датумот за изземање по март следната година, изјави министерот за правда Дејвид Ламети за новинарите. „Сакаме да бидеме претпазливи. Сакаме да одиме чекор по чекор за да не грешиме“, додаде тој.
