Бразил, еден од големите фаворити на претстојниот мундијал во Катар, ќе тргне во лов на шестата титула светски првак предводен од Нејмар и ветеранот Дани Алвеш.
На списокот од 26 фудбалери на големо изненадување се најде и 39-годишниот Алвеш, иако тој веќе два месеци нема одиграно ниту еден натпревар.
Во бразилскиот состав ќе го нема центарфорот на Ливерпул, Роберто Фирмино, како ниту повредениот офанзивен играч за врска од Астон Вила, Филипе Кутињо.
Најмногу фудбалери во изборот на селекторот Тите, вкупно 12, се од Премиер лигата.
Составот на Бразил за 2022:
Голмани – Алисон, Едерсон, Вевертон.
Одбрана – Бремер, Едер Милитао, Маркињос, Тиаго Силва, Данило, Даниел Алвеш, Алекс Сандро, Алекс Телес.
Среден ред – Бруно Гимараеш, Касемиро, Евертон Рибеиро, Фабињо, Фред, Лукас Пакуета.
Напад – Антони, Габриел Жезус, Габриел Мартинели, Нејмар, Педро, Рафиња, Ричарлисон, Родриго, Винисиус.
