Тенисерот Новак Ѓоковиќ не успеа да го освои Мастерс турнирот во Париз, откако во финалето, иненадувачки загуби од 19-годишниот дански тенисер Холгер Руне. Во меч кој траеше два и пол час, Руне го совлада со 2:1 во сетови.
Ѓоковиќ не успеа да испише историја и да биде првиот тенисер кој седум пати го освојувал трофејот на овој турнир.
Тој го доби првиот сет со 6:3, во вториот сет Данецот возврати на ист начин, па победникот се решаваше во третиот сет. Третиот сет донесе голема борба се играше еден час и 13 минути. Руне на крајот успеа да го добие со 7:5.
