После 329 години и официјално е рехабилитирана последната „вештерка“ од Салема во американската држава Масачусетс.
Со одлука на Сенатот на Конгресот на Масачусетс, Елизабет Џонсон, во екот на „ловот на вештерки“ во Салем во 1693 година, беше осудена на смрт за „вештерство“, таа беше ослободена на предлог на сенаторот Дијана Дизољо од Демократската партија.
„Никогаш нема да можеме да го промениме она што се случи со жртвите како Елизабет, но барем можеме да ги поправиме работите“, рече Дизољо.
Пратениците од Сенатот на Масачусетс се согласија да го разгледаат случајот на иницијатива на средно училиште.
Елизабет Џонсон не беше погубена, но никогаш не беше официјално рехабилитирана како другите лажно обвинети за „вештерство“.
Повеќе од 300 години, десетици осомничени беа официјално ослободени, вклучително и мајката на Елизабет, ќерка на проповедник кој исто така првично беше обвинет, а подоцна и ослободен.
Дваесет луѓе беа убиени, а стотици беа обвинети за време на „ловот на вештерки“ на американските пуритани во Салем и соседните места. Деветнаесет беа обесени – поставен споменик со плочи со нивните имиња, а еден човек беше каменуван до смрт.
„Ловот“ по нив започнал во 1692 година, а бил поттикнат од суеверие, страв од болести и странци и ситна љубомора. Елизабет Џонсон тогаш имаше 22 години.
