Свет

Мас најави дека ќе ги посети Србија и Косово

Шефот на германската дипломатија Хајко Мас денеска оцени дека има напредок во продолжување на Дијалогот Белград – Приштина и најави дека ќе ги посети Србија и Косово.

– Jасно ми е дека морам да ги посетам Србија и Косово и да испратам силен сигнал дека Дијалогот за нас е приоритет – изјави Мас, претставувајќи ги приоритетите на германското претседавање со Советот на Европска Унија пред Надворешнополитичкиот одбор на Европскиот парламент во Брисел.

Tој додаде дека неодамна во Берлин се сретна со специјалниот претставник на ЕУ за Дијалогот Белград – Приштина, Мирослав Лајчак, при што истакнал дека Германија останува посветена на Дијалогот и најави ангажман на ЕУ во разговорите.

– Станува збор за земји кои сакаат европска иднина и не би требало да дозволиме да побегнат од нас, а знаме дека други имаат интерес да влијаат врз тој регион – предупреди Мас.

Tој додаде дека покрај „тешката и комплексна“ ситуација, регионот сега е погоден и од нов бран на пандемијата со ковид-19.

Мас истакна дека Германија ќе се труди до крајот на своето претседавање со ЕУ, до крајот на годината да ги отвори пристапните преговори со Северна Македонија, но изрази сомневање дека е истото можно и со Албанија.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Околу 500 бегалци и мигранти од грчкиот остров Сими пренесени во Атина

saso user

Индиски ученички отркија астероид кој се движи кон Земјата

saso user

Вонреден министерски состанок на ЕУ за коронавирусот в четврток

saso user