Сцена

Семејно советување ги подобри односите меѓу Бред Пит и Анџелина Џоли

По бурниот неколкугодишен развод кој заврши лани, Бред Пит и Анџелина Џоли сега се во добри пријателско-родителски односи. Тоа, веројатно, е резултат на „долго семејно советување”,како што открива неименуван извор близок до двојката, за списанието „Пипл“.

Тие двајца имаат шест деца: Медокс (18), Пакс (16) Захара (15), Шајло (14) и близнаците Вивиен и Нокс (12 години).

– Сигурно е тоа дека ним им требаше помош, за да ги решат проблемите околу старателството и како Бред одново може да биде татко. Сега, кога децата се поголеми, тие веќе не претставуваат причина за раздор. Им одзеде многу време, со долга семејна терапија, за да стигнат до таа точка. Бред сака да минува колку што може повеќе време со децата, вели анонимниот пријател.

Клучен миг, според него, бил договорот за старателство.

– Бред и Анџелина изминаа долг пат. За изненадување на многумина од најблиските нивни пријатели, комуникацијата значајно им се подобри и тие двајцата сега се посветени на родителството – додава неименуваниот пријател на поранешниот брачен пар.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Косово не може да учествува на Евровизија

saso user

Скандал ја тресе Хрватска: Горан Каран се повлече од евровизиското натпреварување

saso user

Повеќе графити има за татко ми од оние за Бранко и Љупчо: Начевски и Николов во „Еден на Еден“

saso user