Балкан

Вучиќ: Никогаш нема да ме уплашат и да ме скршат

Српскиот претседател Александар Вучиќ вечерва изјави дека никој не може на сила да ја преземе власта во Србија, откако народот на избори кажал каква влада сака.

– Мене никогаш нема да ме уплашат и да ме скршат! И главата на трупец да ми е, нема да ме скршат!, рече Вучиќ и и порача на опозицијата дека можат или да победат на избори или да го убијат. – Јас сум оној кој го избира следниот мандатар. Реално, објективно можат да ме убијат. Но тогаш ќе требаат претседателски избори, бидејќи ќе нема кој да именува мандатар. Не гледам што можат друго да направат – изјави Вучиќ за ТВ Пинк од Париз, пред работната вечера со францускиот претседател Емануал Макрон.

Обраќајќи им се на „сите нормални луѓе, кои се против насилство и дивеење“, Вучиќ им порача да бидат воздржани, да не покажуваат нервоза и да не одат на собири за да не се заразат со коронавирус.

Тој уште еднаш оцени дека протестите во Белград немаат врска со мерките против коронавирусот, туку дека станува збор за желба некои да дојдат на власт без избори.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Иса Мустафа прифати Албин Курти да биде новиот косовски премиер

saso user

Пленковиќ: Се е јасно, нема потреба од чекање

saso user

Даут Харадинај: Косово треба да и постави услов на Србија за продолжување на дијалогот

saso user