Свет

Пандемијата на ковид-19 во Канада го зголеми бројот на смртни случаи од предозирање

Од почетокот на пандемијата на ковид-19, бројот на смртни случаи поврзани со предозирање со лекови во Канада е значително зголемен, покажуваат податоците објавени во земјата.

Јавен службеник во провинцијата Онтарио, задолжен за истражување на насилна или сомнителна смрт, процени дека бројот на предозирања се зголемил за 25 проценти во последните три месеци.

Во канадската провинција Британска Колумбија, бројот на смртни случаи предизвикани од предозирање се зголемил за дури 40 проценти во однос на истиот период минатата година.

Шефицата на Одделот за јавното здравје во Британска Колумбија, Бони Хенри, неодмна на прес-конференција рече дека бројот од 170 смртни случаи поврзани со предозирање во мај е поголем од бројот на смртни случаи од коронавирусот во таа провинција.

– Ковид-19 не е нашата единствена здравствена криза – рече Хенри.

Се проценува дека изолацијата, потешкиот пристап до институциите кои им помагаат на зависниците и здравствениот приоритет даден на ковид-19 се причините за зголемувањето на предозирањата од почетокот на пандемијата.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Русија жестоко ѝ одговори на Италија: Вашите критики се цинични, неморални и бесчувствителни!

saso user

Бегалец од Сомалија, притвореник и трансродово лице во трка за европратеник

saso user

Кина испрати медицински тим и опрема во Италија (ВИДЕО)

saso user