Бизнис

НСДП: Стабилни плати за работниците, богатите ќе плаќаат повисоки даноци

Нова социјалдемократка партија од секогаш била и останува на страна на средната класа, на работникот, на страна на сите оние кои кои се обидуваат да обезбедат пристоен живот за себе и своите семејства само со помош на својот труд, образование, вештини. Веруваме во можноста за намалување на се поголемите раслојувања меѓу богатите и сиромашните преку политики кои ќе доведат до унапредување на работните односи и пазарот на трудот, изјави Владимир Трајковски, портпарал на Централниот изборен штаб на НСДП.

– Реализирањето на нашите цели за повисоки, и пред се, стабилни плати за работниците како и за социјална сигурност на нивните семејства го гледаме преку понатамошно зголемување на опфатот на прогресивното оданочување, со што богатите ќе плаќаат повисоки даноци, како и  преку потребата за подигнување на нивото на минималната плата – вели Трајковски.

НСДП се залага за трансформирање на пазарот на трудот, што би опфатило промени во работното законодавство и тоа преку модел во кој работникот добива право на учество во профотот, во добивката, но и обврска за прифаќање на ризикот во случај на загуба во работењето на компанијата.

– Достоинството на работникот и гарантирањето на неговите материјално- егзистенцијални права поврзани со плати, придонеси, престанок на работниот однос, прераспределување на работни места и слично не смеат да бидат маргинализирни и забошотени. Во пракса, токму овие предмети низ судските лавиринти носеа горчливи трауми за работниците и нивните семејства и затоа НСДП во идната влада, формирана од Коалицијата „Можеме“, ќе се заложи за издвојување на судските постапки поврзани со работните односи преку формирање на специјализирани одделенија во постојните судови, со што споровите од работните односи ќе се решаваат побрзо и поефикасно – рече Трајковски.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

На посебна веб-страна ќе може да проверите дали ви следува домашната платежна картичка

saso user

Се активира Блокот 3 на термоелектраната Битола

saso user

Тевдовски, Славевски и Ставрески не присуствуваа на министерската вечера со Ангеловска

saso user