Свет

Германија на 1 јули го презема шестмесечното претседателство со ЕУ

Германската канцеларка Ангела Меркел денеска во Берлин се сретна со францускиот претседател Емануел Макрон, во време кога Германија се подготвува да го преземе претседателството со Европската унија.

Германија на 1 јули го презема шестмесечното претседателство со ЕУ, во време кога ЕУ се соочува со голем предизвик да се обиде да ги врати економиите на своите 27 членки и да ја обнови слободата на движење меѓу земјите, а при тоа да не предизвика втор бран на пандемијата на коронавирусот.

Меркел изминатиов викенд рече дека е убедена оти Европа може да ги надмине предизвиците, и покрај тоа што коронавирусот сè уште претставува закана и додаде дека мерките за економско закрепнување на ЕУ треба да бидат донесени што е можно поскоро.

Во мај, Меркел и Макрон предложија формирање на еднократен фонд за закрепнување во вредност од 500 милијарди евра.

Предлогот го прошири Европската комисија, која предложи формирање на фонд во вредност од 750 милијарди евра, кој претежно би се состоел од грантови.

Но ЕК се соочува со отпор од некои земји, кои се проти неповратни средства и одбиваат да ги обезбедат средствата без никакви обврски на корисниците

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Трамп: Да не сум претседател би тужел, а можеби и ќе тужам

saso user

Заразени 34 лекари и 49 медицински сестри и болничари во романска болница

saso user

ДУИ загрижена, за изборите ќе одлучува согласно новонастанатата ситуација

saso user