Свет

Уапсен полицаецот кој со колено го приклешти починатиот Флојд

Полицаецот кој со колено го приклешти Афроамериканецот Џорџ Флојд, легнат и во лисици, по што задржаниот почина на лице место, е уапсен, јави денеска „CNN“.

Апсењето на полицаецот се случи пет денови по убиството на Флојд.

Во последните 48 часа делови од јужен Минеаполис поминаа низ 48 часа анархија. Запалени се и вандализирани многу продавници и објекти, вчера беше запалена и полициската станица. Протестантите денеска на некои места употребуваа и молотови коктели, додека илјадници гневни граѓани дивееја, ограбуваа продавници и запалија повеќе автомобили и објекти во градот.

На помош на полицијата во Минеаполис денеска дојде и Националната гарда на САД.

По апсењето на полицаецот, Дерек Чавин, демонстрантите и граѓанските групи бараат задржување и на тројцата преостанати службеници кои го осигуруваа местото и не сторија ништо да се спречи убиството.

Властите во Минеаполис изјавија дека судењето на Чавин ќе биде „брзо и праведно“.

Задржувањето и убиството на невооружениот Афроамериканец Џорџ Флојд е документирано на камера.

Луѓето кои снимаат протестираат полицаецот да го тргне коленото од вратот на легнатиот задржан, бидејќи овој може да се задуши. Во таква положба, со приклештен врат, полицаецот со едното колено го држи задржаниот повеќе од седум минути. Од снимката се гледа и слуша како Флојд, легнат на земја и со лисици на рацете, моли за помош и повторува дека не може да дише.

Џорџ Флојд (46) после неколку минути почина.

Афроамериканската заедница во градот и насекаде низ САД е згрозена од ова однесување на полицијата.

Денеска протести имаше и во други градови какo Њујорк, каде полицијата се судри толпа од над илјада луѓе на плоштадот Јунион.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Загинаа најмалку осум лица при експлозија на автомобил бомба во Могадишу

saso user

Српската опозиција продолжува со бојкот на Собранието, бара смена на Маја Гојковиќ

saso user

Украден накит вреден милијарда евра од музеј во Дрезден

saso user