Македонија Топ вести

Шекеринска, Димитров и Маричиќ ги брифирале дипломатите дека се за брзи избори во јуни

Заменик-претседателката на СДСМРадмила Шекеринска, членот на ИО Рената Дескоска, меѓународниот секретар на партијата Бојан Маричиќ и носителот на кандидатската листа во ИЕ1 Никола Димитров, во партиското седиште ги брифирале дипломатите за мерките кои се преземаат за справување со пандемијата и организација на предвремени парламентарни избори во најскоро можен рок, соопшти СДСМ.

На брифингот учествувале амбасадори и претставници на амбасадите на државите членки на ЕУ, Обединетото Кралство, САД, ЕУ и ОБСЕ.

-Нашите претставници истакнаа дека за СДСМ остануваат приоритетите за заштита на здравјето на граѓаните, рестартирање на новата македонска економија, зајакнување на демократијата и демократските институции. Претставниците на СДСМ ги запознаа дипломатите со напорите за справување со кризата и за планот за нормализација на животот во државата согласно новите услови.
Одговорно пред сѐ за здравјето на граѓаните, економијата и демократијата е изборите да се одржат во првиот можен рок, пред новиот бран од коронавирусот наесен кој треба да го дочекаме целосно подготвени, со Собрание и влада со полн легитимитет – велат од партијата.

Партиските функционери укажале на цврстата определба да се почитуваат уставот и законите и да се одржат изборите согласно роковите од 22 дена по завршување на вонредната состојба.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Дождливо и денеска, температурата до 10 степени

saso user

Католиците и дел од православните го слават Раѓањето Христово – Божик

saso user

МВР: Стабилна безбедносната состојба во Дебар и Центар Жупа

saso user