Бизнис

СОНК: Владата без да не праша ги укина надоместоците на плата

Самостојниот синдикат за образование, наука и култура (СОНК) денеска реагира на начинот на кој е донесена уредбата со која на корисниците на буџетски средства им се укинува правото на исплата на додатоци и надоместоци на плата.

Синдикатот, како што се наведува во соопштението, ја разбира моменталната состојба на државата, но реагира затоа што при носењето на ваква одлука не се прашани синдикатите како социјален партнер.

Според СОНК, платите и надоместоците на плата се уредуваат со закон и колективни договори и овие акти не смеат да се суспендираат дури и во вонредна состојба.

– Иако се наоѓаме во вонредна состојба, тоа не значи дека одредбите од законите се суспендирани и дека уредбите што ги носи Владата ќе се темелат исклучиво врз база на еднострана проценка. Од тие причини бараме, при носење на уредби со кои ќе биде намалена социјалната сигурност на работниците и другите права, да се почитуваат законите, особено Законот за работни односи, законите за дејности и Колективните договори. Впрочем, платите и надоместоците на плати се уредуваат со Закон, Колективен договор или Договор за вработување, па дури и во вонредна состојба овие акти не смеат да се суспендираа -, истакнува СОНК.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Економскиот раст ќе забрза, сузбивањето на сивата економија ќе ја подобри бизнис климата, оценува ММФ

saso user

Најавените општински капитални инвесртиции ќе видат бел ден, потпишани 11 договори

saso user

Анѓушев: До крајот на 2020 година просечната плата во државата ќе биде 30.000 денари

saso user