Бизнис

Светските берзи во пад, акциите со најголема неделна загуба

Вредноста на акциите на азиските берзи петти ден по ред опаѓа, исто како и останатите најголеми берзи во светот, се наоѓа пред најголема неделна загуба од финансиската криза во 2008 година, поради стравувањата од економската штета од ширење на новиот коронавирус.

Индексот „МСЦИ“ на азиско-пацифичките берзи забележа пад од 2,7 отсто.
На берзата во Токио индексот „Никеи“ се намали за повеќе од четири отсто додека цената на берзите во Хонг Конг, Јужна Кореа, Сингапур, Австралија и Шангај паднаа помеѓу 2,4 и 4,5 проценти.

Азиските берзи го пратат вчерашниот пад на „Доу Џонс“ и „С и П 500“ индексот на Вол Стрит, шести ден по ред и тоа за повеќе од четири отсто.

Индексот „С и П 500“ по шестдневниот пад, сега е околу 12 отсто под својот рекорд, достигнат 19 февруари.

Сите индекси на Вол Стрит се на пат на најголема неделна загуба од финансиската криза во 2008 година.

Од почетокот на неделата индексот „МСЦИ“ на сите светски берзи падна за 9.3 проценти, а таков пад не е забележан од ноември 2008 година.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Министерство за економија: Не е дозволен увоз на риби и рибини продукти од Косово, се бара решение

saso user

Од Охрид евтино се лета до Малме и Милано

saso user

Ангеловска: Подготвени сме да се справиме со евентуален шок поради коронавирусот

saso user