Балкан

Курти најави заеднички седници со владите на Македонија и Црна Гора

Претседателот на владата на Косово, Албин Курти се заложи за проширување на соработката со соседните земји и ја најави можноста за одржување заеднички седници со владите на северна Македонија и Црна Гора, јави дописникот на МИА од Приштина.

Во објавата на својата страница на Фејсбук, Курти, кој учествува на Самитот на Европската банка за обнова и развој (ЕБОР) во Лондон, порача дека е подготвен да соработува на проекти од заеднички интерес со владите во Скопје и Подгорица.

– Со Република Албанија имаме 77 постигнати договори – ќе додадеме нова енергија и динамика за нивната имплементација. Како Влада на Косово ќе соработуваме со владите на Црна Гора и Северна Македонија во проекти од заеднички интерес, при што сметаме и на заеднички владини седници со нив – напиша Курти.

Новиот косовски премиер потсети дека вчера се навршиле три недели од изгласувањето на неговиот Кабинет и изрази задоволство што на самитот на ЕБОР имал можност да говори за приоритетите на Владата која ја води, како и за односите со Србија и реципроцитетот кој има намера да го воведе во однос на таа соседна држава.

– Драго ми е што на овој ден имав можност да говорам за значењето на инвестициите за економијата, претприемништвото на нашите млади посебно во информативната технологија, инфраструктурата што поврзува и овозможува развој, односите со Србија и принципот на реципроцитет итн. Вработувањето, од една, и европските интеграции и зачленувањето во НАТО, од друга страна, се нашите приоритети како нова Влада на Косово – истакна Курти.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Машки лица испукале шест куршуми во млад таксист од Дубровник (ВИДЕО)

saso user

(ОБНОВЕНО) СИЛЕН ЗЕМЈОТЕРС УТРОВО ГО ПОГОДИ ЗАГРЕБ (ФОТО-ВИДЕО)

saso user

Кипар отвори истрага за „златните пасоши“

saso user