Свет

Болница кај Милано била извор на ширење на коронавирусот во Италија

Италијанскиот премиер Џузепе Конте го обвини раководството на една болница во северна Италија за едно од жариштата на новиот коронавирус во земјата, пренесоа агенциите.

– Во овој момент знаеме дека начинот на кој се управува една болница не е целосно соодветен – изјави синоќа Конте за италијанската телевизија.

„Тоа со сигурност придонесе за ширењето“, рече тој, без да ја посочи соодветната институција.

Главниот центар на инфекцијата е градот Кодоњо, на околу 60 километри јужно од Милано.

Кодоњо и уште неколку градови од северна Италија се ставени под карантин во обидот да се запре ширењето на вирусот.

Во Италија од петокот наваму има огромен скок на случаите на заразени, од шест на 229, што значи дека во земјата има најголем број потврдени инфекции во Европа.

И покрај тоа, зголемувањето со нови случаи вчера се стабилизира, откако беа регистрирани само 10 други инфекции.

Досега во Италија од коронавирус починаа седум лица откако го фатиле вирусот, а сите биле или во напредната возраст или имале претходни хронични болести.

ФОТО: EPA / OLIVIER HOSLET

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Ердоган: Смртта на Ал Багдади – пресвртница во борбата против тероризмот

saso user

Асанж е премногу болен за на судско сослушување, тврди адвокатот

saso user

Моди: Индија е во состојба да го уништи Пакистан за помалку од 10 дена

saso user