Здравје

Ако сакате здраво дете, однесувајте се како да сте сиромашни

Дали ова ви звучи како мудрост или како глупост?

Да пробаме да го протолкуваме.

Дали ви изгледа како да се најздрави оние деца чии родители немаат многу пари, туку баш толку колку што е потребно да се преживее? Секако, ова не се однесува на децата кои страдаат од сериозни болести, туку на начин на живот на едно просечно семејство.

Пред сè, тука е исхраната. Што би купиле да сте сиромашни? Одговорот е јасен и логичен – просечни житарки, евтино сезонско овошје и зеленчук, помали количини месо, и тоа пилешко, евтина риба …

И кога ќе размислите, сето ова е многу подобро за здравјето на детето од различни пудинзи, од додавање колбаси во оброците и од домати среде февруари.

Денеска се доведува во прашање квалитетот на сите наведени производи, но сепак е веројатно подобро детето да изеде парче пилешко, отколку колбас. Исто така, веројатно е подобро да испие чаша кефир отколку некој магичен јогурт „збогатен“ со сè и сешто, или домашен мармалад намачкан на кришка озлогласен бел леб, отколку чоколадо.

Сигурно сфаќате што сакаме да кажеме, и што сакал дакаже педијатарот – Колку помалку пари имате, толку поедноставна храна купувате, а таа е подобра за здравјето.

Како да ги примениме зборовите на педијатарот и на облекувањето?

Секако, не сакам и не советувам никому да купува неквалитетна гардероба. Но колку помалку пари, толку помалку гардероба. Изгледа дека во овој дел мислел на здрави воспитување. Реално, кому му требаат 30 маички?

А што е со лековите?

Секако, лекарското мислење е најкомпетентно, но што прави сиромашен човек кога лекарот ќе му препорача 5 до 7 препарати за лекување настинка? Го сведува тој„пакет“ на минимум и на најважното. На пример, ќе го купи препишаниот антибиотик и сируп за температура, но најскапиот препорачан спреј за нос ќе го замени со природна инхалација, скапата крема за алергија, со поевтина, но проверена верзија…

И конечно, како се забавуваат сиромашните деца?

Ова е можеби и најдобро од сè! Сиромашниот родител не го носи детето во игротека кадешто ќе може да се зарази со некој вирус, туку за рака, и во парк, на бесплатна но и поздрава забава!

Фото: Pexels

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Вртоглавица, слабост и замор…Што треба да јадете?

saso user

Мексиканските маки со „зеленото злато“ и лажното гвакамоле

saso user

Најопасната намирница што постојано ја јадеме, а често е на намаление

saso user