Спорт

Џордан низ солзи: Коби беше мојот мал брат

Легендарниот играч на Чикаго и сопственик на Шарлот Мајкл Џордан, имаше трогателен говор на комеморацијата за Коби Брајант и за неговата ќерка Џиана.

– Можеби ова ќе изненади некого, но јас и Коби бевме многу блиски пријатели. Коби беше мојот мал брат. Сите секогаш сакаа да зборуваат за сличностите меѓу нас, но јас само сакав да зборувам за Коби. Тој сакаше да ги зголеми своите перформанси. Запознавајќи го него, сакав да му станам постар брат. Јас секогаш ќе го сакам и начинот на кој тој ме инспирираше. Се сеќавам како пред неколку месеци ми испрати порака во која напиша: Се обидувам да ја научам ќерка ми некои движења, но не се сеќавам што работев на нејзината возраст. Какви движења вежбаше како дете?“ Прашав: „На која возраст?“ Тој одговори: „12 години“. Реков: „На 12 години се обидов да играм бејзбол“. Тоа беше во 2 часот по полноќ. Можевме да разговараме со него за сè што е поврзано со кошарката и со животот. Кога почина Коби Брајант, умре дел од мене. Ветувам дека од овој ден ќе живеам со сеќавања дека имав помлад брат, на кого се обидов да му помогнам со сè што можев – рече Џордан.

Легендарниот кошаркар на Лејкерс, Коби Брајант и неговата ќерка Џиана настрадаа во хеликоптерска несреќа заедно со уште седум други лица.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Зидан би работел само во два клуба

saso user

Рибери казнет со суспензија од три натпревари

saso user

Мбапе и Верати го убедија Нејмар да остане во ПСЖ

saso user