Македонија

Стапува во сила забраната за увоз и извоз на отпад меѓу Mакедонија и Бугарија

Забрана за увоз и извоз на отпад за согорување меѓу Mакедонија и Бугаријаод утре стапува во сила.

Тоа е согласно воведените измени во Законот за управување со отпад, кој беше донесен по скратена постапка во парламентот во Скопје, пред да биде распуштен. Со него се забранува увоз на отпад, што се користи во нашата земја како извор на енергија.

Ова прашање беше тема на разговор и меѓу министрите за животна средина на Северна Македонија и на Бугарија, Насер Нуредини и Емил Димитров за време на неодамнешната посета на Димитров во Скопје.

Бугарскиот министер вети дека од 24 февруари таков вид на отпад нема да премине ниту од Бугарија кон Северна Македонија, ниту од Северна Македонија кон Бугарија. Во врска со прашањето за рециклирање на отпадот, дополнително ќе се разгледува и засега работите ќе останат како претходно.

Димитров изрази подготвеност за соработка со властите во Северна Македонија и при контрола на прекуграничното движење на отпадот. Тој увери дека Софија ќе се погрижи да спречи влегување на отпад за согорување во Северна Македонија од бугарска територија.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Викендов ќе спиете еден час повеќе, започнува зимското сметање на времето

saso user

Во Струга одбележана 10 годишнина на Школата за млади лидери на претседателот Иванов

saso user

Прочитајте како француска пекарка му помогна на ограбен битолчанец да си дојде дома

saso user