Свет

Oслободени двајцата синови на поранешниот претседател Хосни Мубарак

Египетски суд денеска ги ослободи двата сина на поранешниот претседател Хосни Мубарак, кој беше разрешен во 2011 година, како и шест други обвинети за финансиски малверзации.

Гамал и Ала Мубарак беа обвинети дека стекнале поголем дел од акциите на неколку банки преку деловни активности што служеле како параван за измама, со што прекршиле закон. Двајцата беа уапсени во септември 2018 година, но беа ослободени со кауција.

Гамал Мубарак, кој беше претседател на политичкиот комитет на партијата за време на времето на неговиот татко, се сметаше за наследник на претседателот во Египет. Неговиот брат Ала не беше во политиката, но беше обвинет дека стекнал богаство благодарение на врските на неговиот татко.

И двајцата веќе беа уапсени во 2011 година по разни обвиненија, но беа ослободени. Во 2015 година двајцата и Мубарак беа осудени на три години затвор за проневера на повеќе од десет милиони евра државни пари. Синовите на Мубарак претходно ја издржаа таа казна.

Роден во 1928 година, Хосни Мубарак беше првиот претседател кој беше соборен за време на бранот улични протести во арапските земји од регионот, движење наречено „Арапска пролет“. Тој беше на власт повеќе од 30 години.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Русија го најави најбрзиот лет до Меѓународната вселенска станица

saso user

Вознемирувачко видео: Автомобили покосија пешаци

saso user

Иранска револуционерна гарда: Нашите ракети можат да погодат американски бродови

saso user