Свет

Ова е најдобрата земја во светот за одгледување деца

Во најновото истражување во кое учествувале 180 земји, Норвешка е рангирана пред Јужна Кореја, Холандија, Франција и Ирска според низата различни критериуми кои се однесуваат на благосостојбата на децата, се наведува во извештајот кој го објавило медицинското списание Лансет.

Тие опфатиле области како што се здравство, образование и исхрана.

Се покажало дека водечките земји, кои исто така се и помеѓу некои од најбогатите земји во светот, имаат супериорни системи за детски развој, како што се училиштата, болниците и политиките за заштита на животната средина.

Сомалија, Чад и Централноафриканската Република се рангирани на најлошото место на списокот.

Сепак, Светската здравствена организација, која помеѓу 40 детски и здравствени организации, била коавтор на извештајот, вели дека ниту една земја не прави доволно за да ја поддржи следната генерација.

Во извештајот се рангираат и земјите според нивното ниво на прекумерна емисија на јаглерод-диоксид, поточно нивните проектирани нивоа до 2030. година. Утврдено е дека многу од водечките земји во рамки на индексот на процват на децата значително заостанале во мерките за одржливост.

По тоа Норвешка го зазела 156-то место, а Америка 173-то место.

„Од климатската криза до дебелината и штетниот комерцијален маркетинг, децата ширум светот мораат да се соочат со заканите што беа незамисливи пред само неколку генерации“, додала Хенриета Фор, извршна директорка на УНИЦЕФ.

Фото: Pexels

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Ципрас: Грција веќе е извор на добри вести

saso user

Околу 70.000 деца се раселени поради турската офанзива во Сирија

saso user

Германска полиција во потрага по вазна од Пикасо

saso user