Македонија Топ вести

Александрова бара пауза, Џафери не дава

Независната пратеничка Емилија Александрова побара 15 минути пауза од собранискиот спикер Талат Џафери со цел да ги свика координаторите на пратеничките групи и да им објасни зошто дел од нив не биле повикани на координациите.

Џафери не дозволи пауза, но рече дека тука, на седницата, ќе објасни за што станува збор.

– За потребите на граѓаните јас дневно сум свикувал и по пет седници една по друга за да се стигнат сите рокови. Јас не сум крив што за еден ден треба да се одржат две седници – рече Џафери.

Тој повторно ѝ даде збор на Александрова, која, пак, рече дека целта не ѝ била да го нападне, но потенцираше дека тој е одговорен за работата на Собранието.

– Не ми беше целта да ве напаѓам, но вие сте претседател на ова Собрание. Во таа насока, само сакам да кажам дека ако постојат дилеми за работењето на парламентот, легитимно е да нè повикате сите координатори на пратеничките групи на координациите затоа што сите ние овде гласаме за нешто. Така ќе беа разрешени сите дилеми и ќе продолжевме со работа – рече Александрова.

Во тек е седницата за донесување на Законот за Јавно обвинителство.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Нолчева: Честит 24 мај, остануваме посветени на грижа и унапредување на македонскиот јазик

saso user

Возрасна жена паднала во Вардар, водата ја носела стотина метри

saso user

Пендаровски во вторник на средба со Макрон во Париз

saso user