Свет

Погодена Амбасадата на САД во Багдад, нема жртви

Неколку ракети вчера паднаа врз Амбасадата на САД во Багдад, изјавија неименувани извори од безбедносните служби.

Ирачките сили соопштија дека при нападот нема жртви.

Според безбедносни извори три ракети „Качуша“ паднале во комплексот на Амбасадата на САД, а една од нив ја погодила кафетерија за време на вечерата.

Првпат во ракетен напад да е погоден комплексот згради на Амбасадата на САД во ултра сигурната Зелена зона во Багдад, која во последните месеци често е мета на напади.

Дипломатската мисија на САД во рок од една недела двапати е мета на напад. На 20 јануари во близина на Амбасадата паднаа три ракети.

Кон крајот на декември загина еден американски државјанин при ракетен напад врз база во северен Ирак, каде се стационирани американските војници. Во знак на одмазда Вашингтон на 29 декември изврши воздушни напади врз неколку бази на Бригадите на Хезболах. Најмалку 25 борци на Хезболах загинаа во тие напади, а на 31 декември илјадници нивни приврзаници ја нападнаа Амбасадата на САД во Багдад.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Британски комичар пронајден мртов во својот стан

saso user

Бадник и Коледе по светот: Бразил – гром и тресок, Грција – светлечки бротчиња

saso user

Макрон повикува на „европска ренесанса” со цел да се спротивстави на „националистичкото самозатворање”

saso user