Балкан

Лајчак: Неопходен нов консензус за пристапните преговори со Северна Македонија и Албанија

Шефот на словачката дипломатија Мирослав Лајчак изјави дека следните месеци ќе бидат клучни за односите помеѓу Европска Унија и земјите од Западен Балкан, при тоа предупредувајќи на ризиците со кои ќе се соочи ЕУ ако не испрати јасен сигнал за регионот.

– Неопходно е да се изнајде нов консензус за отворање на пристапните преговори со Северна Македонија и Албанија, да се подобри политиката на проширување и да се подготви мајскиот Самит на ЕУ и Западен Балкан, изјави Лајчак на Конференцијата за стратешките предизвици на ЕУ на Западен Балкан 2020 година, што се одржува во Берлин.

Тој нагласи дека е најважно да се сфати дека проширувањето на позитивната агенда, потенцирајќи оти од неодамна има впечаток дека проширувањето се третира како проблем.

Лајчак истакна дека ЕУ мора да го покаже своето влијание во регионот на Западен Балкан.

– Често се потпираме на стратегијата на комуникациите, но изгледа дека забораваме оти луѓето во регионот на Западен Балкан ги читаат нијансите на сигналите што ги испраќаме, посочи Лајчак.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Харадинај даде отчет пред да си оди, од Курти не очекува економски напредок

saso user

„Заедно за Албанија“, денеска се донира за обнова на разрушените куќи од земјотресот

saso user

Русинка во Будва со возило удри во татко и бебе од Холандија (ВИДЕО)

saso user