Свет

Дилеми во Британија: Дали Биг Бен да се огласи на денот на Брегзит?

Британскиот премиер Борис Џонсон изјави денеска дека владата во Лонфдон  се уште не се откажала од идејата Биг Бен да се огласи на 31 јануари, кога Велика Британија ја напушта Европската унија.

Темата беше дискутирана на вчерашната комисиска седница во Претставничкиот дом, каде што е одлучено дека ѕвоното нема да се огласи на денот на Брегзит поради финансиски и логистички проблеми. На седницата беше посочено дека огласувањето на познатиот часовник на тој ден ќе чини околу 500.000 фунти, наместо претходно проценетите 120.000 фунти. Зголемувањето на цената се должи на тоа дека би било потребно да се монтира и потоа демонтира привремена основа за часовникот.

Сепак Џонсон денеска рече дека владата се уште не се откажува од идејата да се огласи часовникот во 23 часот на 31 декември, но средствата да ги соберат граѓаните преку самопридонес. Тој ги повика граѓаните, преку некаква форма на собирање средства „да дадат некоја пара“ за да се огласи часовникот во посакуваното време.

Ѕвоното тешко 13,7 тона не се огласило од 2017 година, кога почнаа работите за реставрација на кулата Елизабет, каде тоа се наоѓа, и кое се огласува само за новогодишните празници.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

ВНИМАВАЈТЕ! Овие луѓе се најлесна мета на крадците

saso user

Нов инцидент во Крајстчрч, не се соопштуваат детали

saso user

Ирански генерал: Рационалните Американци ќе спречат војна

saso user