Свет

Австрија ќе им забрани и на наставничките да носат хиџаб во училиштата

Откако ја најавија забраната за носење муслиманска марама (хиџаб) за девојчињата до 14-годишна возраст, новата австриска министерка за интеграција Сузане Раб изјави дека „како следен можен чекор“ се разгледува и забраната за сите учителки, наставнички и професорски во јавните школи, пренесоа австриските медиуми.

Како што пренесува весникот „Кронен Цајтунг“, Раб (министерка од австриската Нардона партија – ОВП) изјавила дека во новата австриска влада „има широк консензус“ за оваа тема.

Според неа, станува збор за примери кои се учат во училиште. Таа не наведува кога би се спровела забраната за носење хиџаб, нити за тоа како е договорен „првиот чекор“ на ниво на владата. Забраната за вработените во образованието, вели таа, ќе биде „вториот чекор“.

Министерката повторно ја оправдува, наведува австрискиот весник, забраната за носење марами за девојчиња помлади од 14 години, изјавувајќи дека „ на крајот целта е сите девојчиња помлади од 14 години да се научат да бидат самоуверени жени“.

-Станува збор за споделување на основните вредности кои мора да се почитуваат – истакна Раб и додаде дека сака со министерот за образование и партиски колега Ханјц Фашман да ги утврдат начините за вклучување на родителите, децата, учителите, како и одборот на директори во овој процес.

-Прво мора да се утврди мерката за раст на свеста, но доколку не бидат успешни тогаш треба да следат санкции – изјави Раб.

Претходно беше соопштено дека Исламската верска заедница во Австрија до Уставниот суд поднела жалба на забраната за носење марами во училиштата.

Од оваа школска година во австриските основни училишта е забрането „носењето верски обележја на облеката, кои се повзрани со сокривање на главата“.

Исламската верска заедница смета дека со забраната се крши основното право на слобода на вероисповед, како и правото на родителите да ги воспитуваат децата.

Од стапувањето во сила на забраната, односно од почетокот на школската година до крајот на ноември, ширум Австрија имало само осум случаи девојчиња да дошле на училиште со марама. Во тие случаи  родителите го прифатиле почитувањето на законот на што им укажала упрвата на училиштата.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Стејт департментот за инцидентот во Москва: Бомбата не била опасна!

saso user

Во Шпанија пронајден мртов словачкиот конзул во Казахстан

saso user

Трамп ги пофали републиканците кои гласаа против резолуцијата за расизмот

saso user