Македонија

Димитров му врати на Богдановиќ за навредата дека е идиот: Прочитав за кампања за миење раце

Министерот за надворешни работи Никола Димитров во гостување во „Вин Вин“ на телевизија Телма му одговори на градоначалникот на Центар Саша Богдановиќ кој на Фејсбук го навреди дека шефот на дипломатијата е идиот, па го избриша постот. Богдановиќ квалификацијата за Димитров ја упати откако министерот за надворешни повика да се бојкотира доделувањето на Нобеловата награда за литература на Петер  Хандке.

– Симболиката е многу важна и во светската и во европската политика. Имаше многу реакции од цел свет и од политичари како на пример Трамп, од добитник на наградата. Сите имаме одговорност. Таква одговорност сигурно имале и тие кои ме коментираа мене. Тие што сме должни за надворешна политика и меѓународни односи да се бавиме со тоа. Денес прочитав дека почнува кампања за миење раце -рече Димитров.

За повикот за бојкот на доделувањето на Нобеловата награда за литература Димитров рече дека не се водел од тоа дека премиерот Зоран Заев отпаднал од конкуренција.

– Воопшто не ми дојде на умот нашата кандидатура, Заев беше кандидат за нобелова награда за мир, ова беше за литература. Во нашиот регион се случи и според Хашкиот трибунал, првиот геноцид по Втората светска војана, геноцидот во Сребреница. Светот ќе биде подобро место ако имаме доблест да застанеме на вистинската страна од историјата. Тоа беше целта. Важно е да имаме принципиелна надворешна политика – рече Димитров.

Богдановиќ преку „Фејсбук“ на австрискиот книжевник Петер Хандке му ја честиташе наградата, а потоа во неколку коментари ја оцени наредбата на Димитров до амбасадорот на Македонија во Шведска да не присуствува на свечената церемонија како идиотска.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Голем процент од македонските граѓани имаат предрасуди врз основа на сексуална ориентација и родов идентитет

saso user

ВО ЖИВО Министерот Филипче со најнови информации за заразата со ковид 19

saso user

Градежни работи на патот Смоквица – Гевгелија

saso user