Македонија

Истрага за арачиновец, поседувал полуавтоматски пиштоли и куршуми

Јавен обвинител од Основното јавно обвинителство Скопје донесе наредба за спроведување истражна постапка против едно лице бидејќи постои основано сомнение дека сторил кривично дело – Неовластено изработување, држење, посредување и тргување со оружје или распрскувачки материи. Обвинителството побара и судот да му одреди мерка притвор поради опасност од бегство, можност осомничениот да ги сокрие трагите од кривичното дело или да влијае врз сведоците.

-Во својот дом во Арачиново осомничениот држел огнено оружје и муниција – еден полуавтоматски пиштол “Smith&Wesson” MOD 6906 со калибар 9мм Para, еден полуавтоматски пиштол “Walther” P99 со две рамки, како и 41 куршум со калибар 9мм Para. Оружјето и муницијата биле пронајдени и одземени при претрес во неговиот дом, соопшти Јавното обвинителство на Република Северна Македонија.

Во соопштението се додава и дека поради тоа што постојат околности кои укажуваат на опасност од бегство, можност осомничениот да ги сокрие трагите од кривичното дело или да ја попречува постапката со влијание врз сведоците, како и опасност тој да го повтори делото, надлежниот јавен обвинител до судијата на претходна постапка при Основниот кривичен суд Скопје доставил и предлог за определување мерка притвор за осомниченото лице.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Тимови за вакцинација против морбили денеска во 11 училишта во Скопје

saso user

Филипче до Мицкоски: Не ја политизирајте работата на Комисијата за заразни болести

saso user

Одложено рочиштето за „Насилство во Центар“, Јанакиески го барале дома наместо во Шутка

saso user