Спорт

Иванишевиќ нема да го „дружи“ Ѓоковиќ на два Гренд-слем турнирa в година

Тренерот на српскиот тенисер Новак Ѓоковиќ – хрватската легенда Горан Иванишевиќ откри детали за подготовките на Ноле за новата сезона и како тој и Маријана Вајда ќе ги поделат должностите на носителот на 16 Гренд-слем титули.

– Започнуваме со тренинзи на 9 декември во Монте Карло и на 16-ти одиме во Абу Даби на егзибициски турнир. Потоа сме во Дубаи до Божиќ, каде Маријан Вајда го презема водството и ќе го придружува Новак во Австралија, изјави Иванишевиќ за српската веб-страница „Журнал“.

Сепак, тоа не значи дека на Ѓоковиќ нема да му бидат потребни услугите на Иванишевиќ по турнирот во Мелбурн, каде ќе ја брани титулата од минатата година.

– Новак сака да патува само со еден тренер. Јас и Маријан се согласивме тој да биде со Новак на Австралија опен и Ролан Гарос, додека јас на Вимблдон и УС Опен. Слична поделба ќе има и на другите турнири. Јас сè уште ќе бидам во Мелбурн, но за моето учество на турнирот во ветераните. Сакам да играм во него, рече шампионот на Вимблдон за 2001 година.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Шеик нуди 3,8 милијарди долари за Манчестер Јунајтед

saso user

Ливерпул и Барселона последните четвртфиналисти во ЛШ

saso user

Емери конечно задоволен од Озил по победата над БАТЕ

saso user