Култура

На Кундера му е вратено чешкото државјанство

По четириесет години, на чешкиот писател од светско значење Милан Кундера, му е вратено чешкото државјанство. На Кундера државјанството му е вратено на 28 ноември во неговиот стан во Париз, каде што живее од 1975 година. Чешкиот амбасадор во Франција Петр Друлик, изјави дека тоа била граѓанска церемонија, без знаме и химна и дека Кундера бил задоволен. Амбасадорот изрази надеж дека Кундера ќе го преиспита својот став за забрана на објавување на неговите дела на чешки јазик.

Како што е познато, потсетува денес прашкиот дневник „Право“, комунистичките власти го лишија Кундера од чешко државјанство кон крајот на седумдесетите години на минатиот век, а од 1981 година славниот писател има француско државјанство.

Од ноември 1989 година Кундера неколку пати инкогнито ја посетувал Чешка. Минатата година чешкиот премиер Андреј Бабиш го посети Кундера во Париз и му понуди враќање на државјанството, што деновиве е и сторено.

Кундера е преведуван на многу јазици насекаде во светот, а тој е познат и по тоа што упорно не се појавува пред јавноста и не потпишува автограми на своите книги.

Фото/EPA

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

„Темплум“ го објави графичкиот роман „Плати па клати“ на Честер Браун

saso user

Чествување по повод 90 години од раѓањето на Матеја Матевски

saso user

Љахај: Пола оркестар на МОБ седи на мобилен, пола нема партитури

saso user