Бизнис

Прифатени околу 15,4 милиони евра побарувања од стечајот на Бетон Штип

Утврдени побарувањата на доверителите на градежната компанија Бетон Штип. Стечајниот управник за овој поранешен градежен гигант прифатил побарувања од доверители во висина од 936 милиони денари или околу 15.344.000 евра. Оспорени побарување се вкупно 545 милиони денари.

На денешното испитно рочиште во Основен суд-Штип се јавиле околу стотина доверители на кои им се оспорени побарувањата.

„На денешното испитно рочиште, стечајниот управник се произнесуваше по приговорите поднесени против табелата на утврдени и оспорени побараувања поднесени од доверители на кои им е оспорено побарувањето“, информираат од Основен суд-Штип.

На оние доверители на коишто не им се прифатени побарувањата можат да покренат судска постапка.

Стечајна постапка за оваа компанија е отворена на 2 јули, годинава. Градежната компанија Бетон има вкупно 577 доверители, од кои што 124 се фирми, а останатите се вработените во оваа компанија. На 10 декември ќе се одржи Извештајно собрание во Основен суд-Штип, каде што доверителите треба да одлучат за судбината на Бетон. Има две опции едната е ликвидација, а втората реорганизација на компанијата.

Штипски Бетон на македонската јавност и е позната по тоа што беше најголем корисник на тендерските постапки од проектот Скопје 2014.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Галф (Gulf) отвори нова бензинска станица во Тетово

saso user

„Фолксваген“ во нов судски процес за манипулацијата со издувни гасови

saso user

Владата за намалување на цените на роамингот во Западниот Балкан

saso user