Македонија

Заев лауреат на Меѓународната награда „Иса-бег Исхаковиќ“

Премиерот Зоран Заев е овогодишен добитник на Меѓународната награда „Иса-бег Исхаковиќ“, што ќе му биде врачена на Свечена академија која ќе се одржи на 27 ноември во Народниот театар во Сараево, соопшти Комитетот за доделување на ова единствено државничко признание во Босна и Херцеговина.

– Господинот Зоран Заев не само што значително ги унапреди односите во регионот на Западен Балкан, туку покажа и силно политичко лидерство во контекст на порешително приближување на регионот кон Европската Унија и НАТО – се наведува во образложението на Комитетот за доделување на наградата.

Во текстот се посочува дека Комитетот на може да знае како ќе изгледа политичката биографија на премиерот Заев во текот на следната година, но неговите „напори, иницијативи и резултати во 2019 година несомнено ќе останат забележани како позитивни и ќе бидат историски ценети“.

Претседател на Комитетот за доделување на наградата „Иса-бег Исхаковиќ“ за 2019 година е потпретседателката на Академијата за науки и уметности на Босна и Херцеговина, Адила Пашалиќ-Кресо, а меѓу неговите членови се и академиците Мирјана Вуковиќ, Владимир Беус, Мирсада Хукиќ, Лидија Лицендер-Цвијетиќ, Марина Катниќ-Бакаршиќ, Абдулах Шарчевиќ, Дејан Милошевиќ, Бранислава Раѓеновиќ, Слободан Лога и Џевад Јузбашиќ.

Минатогодишен лауреат на оваа награда е поранешниот шеф на хрватската држава Иво Јосиповиќ, а меѓу добитниците во претходните години се и поранешниот австриски претседател Хајнц Фишер и актуелните претседатели на Словенија, Борут Пахор, на Турција, Реџеп Тајип Ердоган и на Хрватска, Колинда Грабар-Киртаровиќ.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

ПРОСТ НАРОД ,БЕТЕР ДРЖАВА ,ЛАЖНИТЕ ВЕСТИ НА ДЕБИЛИТЕ ЗA БУБИЦИ И ЏПС ГО ЗБУДАЛИЈА НАРОДЕЦОТ!?

saso user

Камчев: Боки 13 му изнуди 450.000 евра на мојот болен пријател Луковски

saso user

СДСМ: Станува реалност проектот брана на река Отиња во Штип, вреден 7.5 милиони евра, Владата предводена од СДСМ ја поддржа реализацијата

saso user